جھنگ(نامہ نگار ) ہینڈ بال ایسوسی ایشن اور ڈسٹرکٹ سپورٹس ڈیپارٹمنٹ کے زیر اہتمام ٹریننگ کیمپ کا انعقا‘ طالبات کو ہینڈ بال بارے خصوصی تربیت تین دن دی گئی۔ ٹریننگ کیمپ میں ڈائریکٹر سپورٹس عفت منظور اور صدر ایسوسی ایشن محمدعمر دراز کی خصوصی شرکت اورہینڈبال ایسوسی ایشن کے ضلعی عہدیداران و دیگر بھی شریک تھے۔ اس موقع پر انٹر نیشل کھلاڑی انسٹرکٹر رائے محمد فیص کلیارنے طالبات کو ٹریننگ دی۔ ڈائریکٹر سپورٹس عفت منظور کا کہنا تھا کہ خواتین کو کھیل کے میدان میں لانے کیلئے ہر ممکن اقدامات کیے جارہے ہیں، ان کا مزید کہنا تھا کہ وزیر کھیل تیمور حیات بھٹی کی خصوصی ہدایات پر ٹریننگ کیمپ کا انعقاد کیا گیا ہے جس میں سکولوں کی طالبات کو ہینڈ بال کی ٹریننگ دی جارہی ہے۔ ٹریننگ کیمپ کے اختتام پر بہترین کارکردگی کا مظاہرہ کرنے والی طالبات میں انعامات اور سر  ٹیفکیٹ بھی تقسیم کیے گئے۔