تتلے عالی‘نوشہرہ ورکاں‘ گوجرانوالہ (نمائندہ نوائے وقت + نمائندہ خصوصی+نامہ نگار) دولہا کے چچا کی مہندی کی تقریب میں ہوائی فائرنگ گولیاں لگنے سے محنت کش کی 13 سالہ بچی جاں بحق ۔ تفصیلات کے مطابق تھانہ تتلے عالی کے گاؤں کوٹلہ اروڑہ میں رانا فاروق کے بیٹے سعید اور بیٹی کی مہندی کی رسم جاری تھی جس میں دولہا کے چچا خالد نے ہوائی فائرنگ کرنا شروع کر دی جس سے دو گولیاں پاس کھڑی 13 سالہ سندس کو لگیں جس سے وہ شدید زخمی ہو گئی جسے فوری طور پر طبی امداد کے لئے ہسپتال لے جایا جا رہا تھا مگر وہ راستے میں ہی دم توڑ گئی مقامی پولیس نے مقتولہ کے والد محنت کش سلیم قریشی کی رپورٹ پر ملزم رانا خالد ولد خیر دین کے خلاف دفعہ 302 کے تحت مقدمہ درج کر کے ملزم کو گرفتار کر لیا۔