سیالکوٹ ، فیصل آباد میں پتنگ بازی عروج پر ، فائرنگ پر 2 نوجوان گرفتار
سیالکوٹ /فیصل آباد(نمائندہ خصوصی) پابندی کے باوجود فیصل آباد اور سیالکوٹ میں پتنگ بازی عروج پر ، دھاتی ڈور کا کھلے عام استعمال معمول بن گیا ، تفصیلات کے مطابق فیصل آباد میں تھانہ سرگودھا روڈ پولیس نے بسنت کے موقع پر گرین ٹائون میں پتنگ بازی کے دوران ہوائی فائرنگ کرنیوالے 2 نوجوانوں کو اسلحہ سمیت گرفتار کرلیا اور انکے خلاف الگ الگ مقدمات درج کر کے تفتیش شروع کردی جبکہ سیالکوٹ میں چباں موڑ پر گلے میں ڈور پھرنے سے چباں روڈ کا رہائشی 25 سالہ عاطف گلے میں ڈور پھرنے سے زخمی ہوگیا ، سیالکوٹ میں بھی پتنگ بازی کا سلسلہ نہ رک سکا ، کیمیکل ڈور کا استعمال بھی سرعام جاری ، اہل علاقہ نے پولیس سے کارروائی کا مطالبہ کردیا ۔
