حافظ آباد (نمائندہ نوائے وقت) حافظ آباد کے قریب ٹھٹھہ کھوکھراں میں بیوی نے آشنا سے مل کر اپنے خاوند کو قتل کردیا اور بعدازاں اس کی نعش بوری میں بند کرکے نہر میں پھینک دی۔ پولیس نے خاتون اور اس کے آشنا کو گرفتار کر کے نعش برآمدکرلی۔ تفصیلات کے مطابق ٹھٹھہ کھو کھراں کی رہائشی خاتون گلفام بی بی کے مٹھو نامی نوجوان سے ناجائز تعلقات تھے۔گلفام بی بی کا شوہر اختر علی اکثر اپنی بیوی کو منع کرتا تھا۔ ملزمہ گلفام بی بی نے گذشتہ رات آشنا سے مل کر اپنے خاوند اختر علی کوپہلے کوئی نشہ آور چیز پلائی جس کے بعد دونوں نے اختر علی کو کلہاڑی کے وار کرکے قتل کردیا اور بعدازاں اس کی نعش بوری میں بندکر کے جھنگ برانچ نہر میں پھینک دی۔