لاہور(نمائندہ سپورٹس)نیشنل کمانڈ اینڈ آپریشن سنٹر کا 20 فیصد تماشائیوں کو سٹیڈیم میں داخلے کی اجازت دینے کے فیصلے کے مطابق پی سی بی نے پاکستان سپر لیگ ء2021 کے لیگ میچز کیلئے ٹکٹوں کی قیمتوں کا اعلان کردیا ہے۔ کوالیفائر، دونوں ایلیمنٹرز اور فائنل کی ٹکٹوں کی قیمتوں کا اعلان بعد میں کیا جائیگا۔  ویب سائٹ پر آن لائن ٹکٹوں کی فروخت آج صبح 10 بجے شروع ہوگی۔بک می ڈاٹ پی کے نے فینز کی سہولت کیلئے فون نمبر (03137786888) مخصوص کردیا۔ ٹکٹ کی قیمت پانچ سو روپے سے پانچ ہزار روپے رکھی گئی ہے ۔  کوئی بھی شخص کال کر کے ٹکٹ خرید سکتا ہے۔ شناختی کارڈ نمبر اور فون نمبر دینا لازمی ہوگا۔پی سی بی نے نیشنل سٹیڈیم کراچی اور قذافی سٹیڈیم لاہور میں فیملیز کیلئے چند انکلوژرز مخصوص کردئیے ہیں۔نیشنل سٹیڈیم کراچی میں فیملیز کیلئے مخصوص انکلوژرز: حنیف محمد (وی آئی پی انکلوژر) ، وسیم اکرم (پریمیئم انکلوژر) ، ظہیر عباس، اقبال قاسم اور نسیم الغنی (فرسٹ کلاس انکلوژرز) اور انتخاب عالم انکلوژر (جنرل )‘قذافی سٹیڈیم لاہور میں فیملیز کیلئے مخصوص انکلوژرز: فضل محمود (وی آئی پی انکلوژر) ، سعید انور (پریمیئم انکلوژر) ، عبد القادر (فرسٹ کلاس انکلوژر) اور نذر ، قائد ، ظہیر عباس اور ماجد خان (جنرل انکلوژر)۔ہفتے کے روز ٹورنامنٹ کے افتتاحی میچ میں کراچی کنگز اور کوئٹہ گلیڈی ایٹرز کی ٹیمیں شام 7 بجے مدمقابل آئیں گی۔ اس میچ کیلئے وی آئی پی سٹینڈز (حنیف محمد اور جاوید میانداد انکلوژرز) کے ٹکٹ کی قیمت پانچ ہزار روپے مقرر کی گئی ہے ، جبکہ فرسٹ کلاس سٹینڈز کی قیمت (ظہیر عباس ، آصف اقبال ، وقار حسن ، ماجد خان ، اقبال قاسم اور نسیم الغنی انکلوژرز) کے ٹکٹ کی قیمت چار ہزار روپے ہوگی۔ پریمیئم سٹینڈز(قائد ، وسیم اکرم اور عمران خان انکلوژرز) کے ٹکٹ کی قیمت تین ہزار  جبکہ جنرل سٹینڈز (وسیم باری ، محمد برادرز اور انتخاب عالم انکلوژرز) کے ٹکٹ کی قیمت دوہزار روپے  ہے۔اتوار کے روز ڈبل ہیڈر میں لاہور قلندرز اور پشاور زلمی، اسلام آباد یونائیٹڈ اور ملتان سلطانز کے مابین میچز  سہ پہر 2 بجے اور شام 7 بجے شروع ہوں گے۔  وی آئی پی سٹینڈز (حنیف محمد اور جاوید میانداد انکلوژرز) کے ٹکٹ کی قیمت چار ہزار روپے مقرر کی گئی ہے ، جبکہ فرسٹ کلاس سٹینڈز (ظہیر عباس ، آصف اقبال ، وقار حسن ، ماجد خان ، اقبال قاسم اور نسیم الغنی انکلوژرز) کے ٹکٹ کی قیمت تین ہزار روپے ہوگی۔ پریمیئم سٹینڈ (قائد ، وسیم اکرم اور عمران خان انکلوژرز) کے ٹکٹ کی قیمت دو ہزار روپے ہوگی جبکہ جنرل سٹینڈز (وسیم باری ، محمد برادرز اور انتخاب عالم انکلوژرز) کے ٹکٹ کی قیمت ایک ہزار روپے ہوگی ۔