لاہور( نمائندہ سپورٹس)پاکستان کرکٹ بورڈ کے چیف آپریٹنگ آفیسر سلمان نصیرنے کہا ہے کہ امید ہیں کہ شائقین این سی او سی کے فیصلے کا احترام کریں گے اور سماجی فاصلے سے متعلق تمام پروٹوکولز پر عملدرآمد کریں گے جس کی بنیاد پر ہی ایونٹ کے آخری چار میچز میں تعداد بڑھانے کا فیصلہ ہوگا۔تماشائیوں کیلئے این سی او سی سے منظور شدہ ایس او پیز : صابن اور پانی سے 20 سیکنڈز تک ہاتھ دھویں‘ ہینڈ جیل کا استعمال کریں ‘ چھینکتے یا کھانستے وقت ٹشو پیپر کا ستعمال کریں، اس کے بعد ہاتھوں کو اچھی طرح صاف کریں‘ چہرے اور ناک کو چھونے سے گریز کریں‘سٹیڈیم کے اندر تھوکنے پر پابندی ہے‘سٹیڈیم میں بیٹھے ہوئے میڈیکل ماسک پہننا لازمی ہوگا۔