قصور (نمائندہ نوائے وقت) قصور اور گردونواح میں اغواء کی پانچ مختلف وارداتوں میں تین لڑکیوں سمیت 5 خواتین کو اغواء کر لیا گیا نفیس کالونی کے رہائشی نے تھانہ سٹی بی ڈویژن میں درخواست دی کہ میر ی انیس سالہ بیٹی صفیہ بی بی گھر میں اکیلی تھی ملزم عثما ن خاں ساتھیوں کیساتھ آیا اور میری بیٹی کو ورغلا کر اغواء کر کے لے گیا ہے چک 22 رکن پورہ کی رہائشی بشیراں بی بی اپنی بہو عابدہ بی بی اور مختا رکیساتھ موٹر سائیکل پر پتوکی جارہے تھے کہ چک 22 موڑ گہلن پھاٹک کے قریب چار نامعلوم جس میں عورتیں بھی تھیں میری بہو کو اغوا کرکے لے گئے۔ کچی آباد شہباز روڈ کے رہائشی افضل کی سولہ، سترہ سالہ بیٹی کو ملزم حمزہ نے اغواء کرلیا۔ راول جھنگڑ کے رہائشی شرافت علی کی بیوی نبیلہ بی بی گھر میں اکیلی تھی ملزم انوارالحق آیا اور اسکی بیوی کو ورغلا کر اغواکر کے لے گیا ہے پکھو کی کے رہائشی نے پولیس تھانہ الہ آباد میں درخواست دی کہ میری سالی عیشہ بی بی اپنی والدہ کیساتھ گھر میں موجود تھی کہ ملزمان اعجاز اور جج آئے اور میری سالی کو زبردستی اغواء کرکے لے گئے۔ پولیس نے مقدمات درج کرلئے۔