خاوند سے جھگڑ ا، بیوی نے مبینہ طور پر گھر جلا دیا،2بچے زندہ جل گئے
لاہور+مانگا منڈی(نمائندہ خصوصی+نامہ نگار) مانگا منڈی میں خاوند سے جھگڑے کے بعد مبینہ طور پر بیوی نے طیش میں آکر گھر کو آگ لگا دی جس سے کمرے میں سوئے دو کمسن بچے جھلس کر جاں بحق ہوگئے۔ پولیس نے خاتون کو حراست میں لیکر تفتیش شروع کردی۔ پولیس ذرائع کے مطابق خاتون نے اعتراف جرم کرلیا ہے۔کلالاں والا کھوہ کے قریب وقاص نامی شخص کے گھر میں آگ لگی ۔ پولیس ذرائع کے مطابق وقاص کا بیوی تنزیلہ کیساتھ لڑائی جھگڑا ہوا جس پر بیوی نے طیش میں آکر گھر کو آگ لگا دی۔ 2 سالہ عبدالرحمن اور 3 سالہ فیضان جھلس کر جاں بحق ہوگئے۔ ریسکیو ترجمان کے مطابق آگ کی اطلاع پر ریسکیوز موقع پر پہنچے ،ریسکیوز کے پہنچنے سے قبل دو بچے جاں ہو چکے تھے۔ پولیس اور فرانزک سائنس کی ٹیمیں موقع سے شواہد اکھٹے کرلئے۔ بچوں کی ماں کے مطابق گھر میں آگ شارٹ سرکٹ کی وجہ سے لگی۔
