کرکٹ بورڈ پی ایس ایل 6 کے دوران ایک میچ گوادر سٹیڈیم میں کرانے کا خواہشمند
لاہور(نمائندہ سپورٹس) پاکستان کرکٹ بورڈ پی ایس ایل 6 کے دوران ایک میچ گوادر کرکٹ اسٹیڈیم میں کروانے کا خواہشمند ہے۔ ذرائع کا کہنا ہے کہ نمائشی میچ کوئٹہ گلیڈی ایٹرز اور کراچی کنگرز کی ٹیموں کے مابین کروانے کی حکمت عملی کہ تیاری جاری ہے۔پی سی بی چیف ایگزیکٹو آفیسر وسیم خان نے کوئٹہ گلیڈی ایٹرز اور کراچی کنگرز کی انتظامیہ سے رائے مانگ لی ہے۔گوادر کرکٹ اسٹیڈیم میں میچ 25 مارچ کو کروانے کی تجویز زیر غور ہے۔بلوچستان حکومت نے پی سی بی کو میچ کے انعقاد کی اجازت دے دی ہے۔
