اسلام آباد (وقائع نگارخصوصی) سینٹ انتخابات لڑنے والے امیدواروں کی حتمی فہرست جاری کردی گئی۔ پنجاب سے 22، خیبرپی کے سے41 امیدوار میدان میں ہیں۔ پنجاب سے سینٹ کی 11 نشستوں کے لیے 22 میدواروں میں کڑا مقابلہ ہے جبکہ سات جنرل نشستوں کیلئے17 امیدوار حصہ لے رہے ہیں۔ جنرل سیٹوں پر ق لیگ کے کامل علی آغا، پیپلز پارٹی کے عظیم الحق منہاس، پی ٹی آئی کے جمشید اقبال چیمہ، محمد خان مدنی، عمر سرفراز چیمہ، سیف اللہ سرور خان نیازی، اعجاز چوہدری، ظہیرعباس کھوکھر، اعجاز حسین منہاس اور عون عباس شامل ہیں جبکہ ن لیگ کے زاہد حامد، سعود مجید، سیف الملوک کھوکھر، عرفان صدیقی، بلیغ الرحمن، ساجد میر اور افنان اللہ خان امیدوار ہیں۔ خواتین کی دونشستوں کے لیے تین امیدوار میں پی ٹی آئی کی زرقا تیمور، ن لیگ کی سعدیہ عباسی اور سائرہ افضل شامل ہیں جبکہ ٹیکنوکریٹ کی دو نشستوں پر پی ٹی آئی کے بیرسٹر علی ظفراور ن لیگ کے اعظم نذیر تارڑ بلامقابلہ منتخب ہوگئے۔