شیخوپورہ (نمائندہ نوائے وقت) پیپلز پارٹی کے سٹی صدر سید ندیم عباس کاظمی نے کہا ہے کہ شیخوپورہ پیپلز پارٹی کا گڑھ ہے یہاں کے عوام کا دل ذوالفقار علی بھٹو کیلئے دھڑکتا ہے ، شہید بینظیر بھٹو کا نام عوام کے دلوں سے نکالا نہیں جاسکتا، حکمرانوں نے عوام کی مشکلات میں اضافہ کرنے میں کوئی کسر نہ چھوڑی ہے، اپنے ایک بیان میںسید ندیم عباس کاظمی نے کہا کہ ہوشربا مہنگائی سے غریبوں اور ناداروں سے آخری لقمہ بھی چھینا جا رہا ہے و قت نے ثابت کیا ہے کمزور طبقات کی واحد آواز صرف پیپلز پارٹی ہے حکمران صرف پرانے پراجیکٹس پر نئے کتبے سجانے اور دھوکہ دینے آئے ہیں،انہوں نے کہا کہ نالائق حکومتی ٹولے نے پورے ملک کو آئی ایم ایف کے پاس گروی رکھ کر ماضی کی ایسٹ انڈیا کمپنی کی طرح قوم کو غلامانہ دور میں دھکیل دیا ہے۔