شیخوپورہ(نمائندہ خصوصی) پیپلزپارٹی ضلع شیخوپورہ کے سینئر نائب صدر چودھری خالق عزیز ورک اور نائب صدر چودھری منیر قمرواہگہ نے کہا ہے کہ سینٹ کے انتخابات میں اپوزیشن کے امیدواروں کی کامیابی کیلئے پی ڈی ایم کی قیادت نے جو حکمت عملی تیار کی ہے اس سے بوکھلاکر حکومت اوچھے ہتھکنڈوں پر اتر آئی ہے ضمنی انتخاب میں حکومت نے جس طرح عوام کے ووٹ چورکرنے کی کوششیں کی ہیں اس سے انکی نااہلی ،ناکامی ثابت ہوگئی ہے اسلام آباد کی نشست پر سید یوسف رضا گیلانی کی کامیابی کے بعد حکومت کے خلاف عدم اعتمادکی تحریک پیش ہوسکتی ہے یہی وجہ ہے کہ حکومت اس نشست کو حاصل کرنے کیلئے تمام غیر جمہوری ہتھکنڈے استعمال کررہی ہے ان خیالات کااظہارانہوںنے مشترکہ پریس کانفرنس سے خطاب کرتے ہوئے کیا انہوں نے کہاکہ موجودہ حالات میں اپوزیشن کا اتحاد ملک وقوم اور جمہوریت کے مفاد میں ہے ماضی کی طرح آج پیپلزپارٹی وفاق کی جماعت بن کر کردارادا کررہی ہے چیئرمین بلاول بھٹو زرداری کے بیانہ کو اپوزیشن کی تمام جماعتوں نے تسلیم کیا ہے ۔