قومی اسمبلی میں فواد چوہدری نے جب اپنی بات کے دوران جے یوآئی کے رکن کی شادی کا تذکرہ چھیڑا تو جے یو آئی کے ارکان آگ بگولہ ہو گئے انہوں نے سپیکر کو مخاطب کر کے کہا کہ’ ’جناب سپیکر یہ جھوٹ بول رہا ہے یہ جھوٹا ہے بھارتی میڈیا کی خبروں کا یہاں ذکر کر رہا ہے ‘‘اجلاس کے دوران حکومت اور اپوزیشن شمالی وزیرستان میں 4خواتین کے قتل اور10افرادکے اغوا کے افسوسناک واقعات کی فوری تحقیقات کے معاملے پر ’’ایک پیج‘‘پر نظر آئے ،قومی اسمبلی کا اجلاس جمعہ کو بھی ایک بار پھر کورم کی نذر ہو گیا ،اجلاس کے آغاز پر ہی ارکان کی دلچسپی کم نظر آئی جیسے ہی سپیکر نے ایجنڈے کے مطابق وقفہ سوالات شروع کر نے کی ’’کوشش‘‘کی تو اپوزیشن ارکان  نے نکتہ اعتراض پر بولنے کی اجازت مانگنا شروع کر دی ، سندھ اسمبلی میں اپوزیشن لیڈر علیم عادل شیخ کی گرفتاری کے معاملے پر پیپلزپارٹی اورحکومتی ارکان کے درمیان ماحول ’’گرم ‘‘ہو گیا۔ اجلاس گیارہ بجکر35منٹ پر شروع ہوا اور 12بجکر10منٹ پر ملتوی ہو گیا