سکھر (آئی این پی) روہڑی میں حساس ادارے اور سی ٹی ڈی کی کارروائی ، دہشتگردوں کی فائرنگ، جوابی فائرنگ میں دو دہشتگرد مارے گئے۔ بارودی مواد اور اسلحہ برآمد۔ سی ٹی ڈی حکام کے مطابق حساس ادارے اور سی ٹی ڈی کی جانب سے کالعدم ٹی ٹی پی کے دہشتگردوں کی موجودگی کی اطلاع پر روہڑی کے تھانے پٹنی کی حدود میں کا رروائی کی گئی تو وہاں پر چھپے دہشتگردوں نے فائرنگ کر دی جس کی جوابی فائرنگ میں دو دہشتگرد زخمی ہوگئے۔ جن کو  حراست میں  روہڑی ہسپتال پہنچایا گیا، جہاں  وہ زخموں کی تاب نہ لاتے ہوئے ہلاک ہو گئے۔ سی ٹی ڈی حکام نے ہلاکت کی تصدیق کرتے ہوئے بتایا کہ گرفتار دہشتگردوں کے قبضے سے بارودی مواد اور اسلحہ بھی برآمد کیا گیا ہے۔ دہشتگردوں کی شناخت ولایت زیب اور شاہ محمود کے نام سے ہوئی ہے۔