مقبوضہ بیت المقدس (این این آئی) اسرائیلی فوج کے ترجمان نے بتایا ہے کہ مصر کی سرحد پر فائرنگ کے واقعہ میں ایک اسرائیلی فوجی زخمی ہوگیا۔ اسرائیلی فوج کے ترجمان نے بتایاکہ جزیرہ نما سینا کے قریب تعینات ایک اسرائیلی فوجی غلطی سے چلنے والی گولی لگنے سے زخمی ہوگیا۔ ادھر خلیج عمان میں اسرائیل کے ایک مال بردار بحری جہاز میں پراسرار دھماکہ ہوا ہے۔ جہاز کو نقصان پہنچا تاہم کوئی جانی نقصان نہیں ہوا۔ اسرائیل کے ایم وی پیلیوس  رائے نامی بحری جہاز کو دھماکے کے بعد دبئی کی بندرگاہ پر مرمت کیلئے لنگر انداز کیا گیا ہے جہاں مرمت کا کام جاری ہے تاہم ابھی تک دھماکے کی نوعیت کا تعین نہیں کیاجا سکا ہے۔