چناب نگر+ نارووال (نمائندہ خصوصی+ نوائے وقت رپورٹ) چناب نگر میں موٹر سائیکل اور ٹریکٹڑ  میں ٹکر سے چچا، کمسن بھتیجا جاں بحق جبکہ ایک خاتون زخمی ہوگئی جبکہ نیو لاہور روڈ نارووال پر مسافر وین اور ٹرالر میں تصادم ہوا، ٹریفک حادثے میں 2افراد جاں بحق،9 زخمی ہو گئے۔ زخمیوں کو ہسپتال منتقل کر دیا گیا ہے۔ ادھر سرکل چناب نگر کے رہائشی ذوالفقار اپنے بھتیجے علی محمد اور رشتہ دار خاتون پروین بی بی کے ہمراہ موٹرسائیکل پر رشتہ داروں سے ملاقات کے بعد گھر واپس جارہا تھا کہ راستے میں سانگرہ روڈ پر بہودی موڑ کے قریب ٹرالی سے جا ٹکرائے جس سے ذوالفقار اور 5 سالہ بھتیجا علی محمد موقع پر ہی جاں بحق ہوگئے جبکہ ایک خاتون پروین بی بی زخمی ہوگئی۔