قصور (نمائندہ نوائے وقت) پتوکی نیشنل ہائی وے جوڈیشل کمپلیکس کے قریب زیر تعمیر نجی پٹرول پمپ کی دیوار گرنے سے دو مزدور ملبے تلے دب کر جاں بحق ہو گئے۔ ریسکیو کی امدادی ٹیم نے دیوار کے ملبے کے نیچے دب کر جانبحق ہونے والے مزدوروں کی نعشیں نکال کر تحصیل ہیڈ کوارٹرز ہسپتال پتوکی منتقل کر دیں۔ جاں بحق ہونے والے دونوں مزدوروں کی شناخت امین اور مبشر کے نام سے ہوئی جو گلشن سبحان کالونی پتوکی کے ہی رہائشی تھے۔