احمد آباد(اے پی پی) بھارت اور انگلینڈ کی کرکٹ ٹیموں کے درمیان چار ٹیسٹ میچوں پرمشتمل سیریز کا چوتھا اور آخری  میچ 4سے 8مارچ تک سردار پٹیل سٹیڈیم احمد آباد میں ہی کھیلا جائے گا۔بھارت کو چار میچوں کی سیریز میں انگلینڈ کے خلاف 1-2کی برتری حاصل ہے ۔اس سے قبل انگلینڈ کی ٹیم نے چنائی میں کھیلے گئے پہلے ٹیسٹ میچ میں میزبان ٹیم کو 227رنز سے شکست دی تھی جس کے جواب میں میزبان ٹیم نے چنائی میں ہی کھیلے گئے دوسرے میچ میں شاندار کم بیک کرتے ہوئے انگلینڈ کی ٹیم کو 317رنز سے نہ صرف شکست دی بلکہ چارمیچوں کی سیریز 1-1 سے برابر کر دی۔