لاہور(خصوصی نامہ نگار ) پیپلز ٹی کے زیر اہتمام سینٹ میںپی ڈی ایم کے مشترکہ امیدوار یوسف رضا گیلانی کی جیت کی خوشی میںپنجاب اسمبلی اپوزیشن چیمبر میں بھی جشن منایا گیا ، اس موقع پر مٹھائیاں بھی تقسیم کی گئیں ،پیپلزپارٹی کے پارلیمانی لیڈر سید حسن مرتضی کی جانب سے مٹھائی تقسیم کی گئی،جشن میں پیپلزپارٹی پنجاب کے نائب صدر اسلم گل پیپلز پارٹی لاہور کے صدر حاجی عزیز الرحمن چن اور ایم پی اے شازیہ عابد اور سینئر کارکنا بھی شریک ہوئے ، ن لیگ کے ارکان میاں عبدالروف ،میاں مرغوب سمیت دیگر کی جانب سے بھی یوسف رضا گیلانی کی جیت پر پیپلز پارٹی کو مبارکباد دی گئی۔