لاہور(نمائندہ سپورٹس )پہلی حیدرآباد جمخانہ پاکستان ڈے مینز ٹینس چیمپئن شپ18 مارچ سے شروع ہوگی۔ایونٹ کے چیف آرگنائزر محمدخالد رحمانی نے بتایا کہ تیاریاں ابھی سے شروع کر دی گئیں ہیں، دو کیٹگریز کے مقابلے رکھے گئے ہیں، جن میں مینز سنگلز اور مینز ڈبلز کے مقابلے شامل ہیں،تیرہ کھلاڑیوں کو مین رانڈ میں رکھا گیا ہے۔ ابھی تک ملک بھر سے نامور نو کھلاڑی نے ٹورنامنٹ میں شرکت کی تصدیق کر دی ہے جن میں عقیل خان، مزمل مرتضی، شعیب خان، شہزاد خان، محمد عابد، احمد چوہدری، برکت اللہ، ہیرا عاشق اور یوشف خلیل شامل ہیں۔