فیروزوالہ: ونڈالہ نہر پر مبینہ مقابلہ میں ڈاکو ہلاک، ایک زخمی
فیروزوالہ(نامہ نگار) ونڈالہ نہر فیروزوالہ کے قریب مبینہ مقابلہ کے دوران ایک ڈاکو ہلاک ، ایک ڈاکو زخمی جسے طبی امداد کیلئے ہسپتال داخل کروا دیا گیا۔ بتایا گیا ہے کہ ونڈالہ نہر پر ڈاکوئوں نے ناکہ لگاکر راہگیروں کو لوٹ رہے تھے اس دوران شکیل مسیح کو لوٹتے وقت ڈاکوئوں کا شہریوں کے ساتھ مبینہ مقابلہ ہو گیا جس کے نتیجہ میں ڈاکو کی فائرنگ سے اس کا اپناساتھی ہلاک جبکہ گولی لگنے سے ایک ڈاکو زخمی ہو گیا جسے طبی امداد کیلئے ہسپتال داخل کروا دیا گیا۔ بتایا جاتا ہے کہ مقابلے میں مرنے والے ڈاکو کی شناخت گلفام عرف بگو اور زخمی ڈاکو ذیشان کے نام سے ہوئی ان کا تعلق بوٹا پارک اور علم دین کالونی شاہدرہ سے بتایا گیا ہے دونوں آپس میں دوست تھے ۔ پولیس کے مطابق زخمی ڈاکو سے پسٹل، موبائل فون، نقدی اور موٹر سائیکل بھی قبضہ میں لے لی۔ پولیس نے واقعہ کا مقدمہ درج کر لیا۔
