قصور+ سرائے مغل+ پتوکی(نمائندہ نوائے وقت+ نامہ نگاران) ہیڈ بلوکی کے قریب دو خواتین نے خودکشی کی خاطر نہر میں چھلانگ لگا دیں۔ ضلع ننکانہ کے علاقہ سہراب کلاں کی رہائشی شاہین بی بی زوجہ بابر علی‘ پھولنگر کی رہائشی سیماں بی بی زوجہ محمد ارشد نے ہیڈ بلوکی کے قریب بی ایس لنک نہر میں خودکشی کی خاطرنہر میں چھلانگیں لگا دیں تاہم وہاں پر موجود لوگوں نے دونوں خواتین کو نہر سے زندہ نکال کر انہیں علاج کیلئے قریبی ہسپتال منتقل کر دیا ہے ۔ پولیس تھانہ سراے مغل کے مطابق خودکشی کی وجہ ابھی سامنے نہیں آئی جبکہ پھولنگر کی رہائشی سیماں بی بی کا ذہنی توازن درست نہیں ہے۔