بھارت اور افریقی ویمنز ٹیموں کے درمیان دوسرا ون ڈے آج ہوگا
لکھنئو(سپورٹس ڈیسک) بھارت اور جنوبی افریقہ کی خواتین کرکٹ ٹیموں کے درمیان پانچ ون ڈے انٹرنیشنل میچوں پرمشتمل سیریز کا دوسرا میچ آج بھارت رتناشری اٹل بہاری واجپئی ایکانہ کرکٹ سٹیڈیم ، لکھنؤ میں کھیلا جائے گا۔ جنوبی افریقہ کو بھارت کی ویمنز ٹیم کے خلاف 0-1کی برتری حاصل ہے۔ جنوبی افریقہ کی ٹیم نے پہلے ون ڈے میچ میں بھارت کو 8وکٹوں سے شکست دی تھی۔ جنوبی افریکا کی خواتین ٹیم بھارت کے دورہ پر ہے جہاں وہ میزبان خواتین ٹیم کے خلاف پانچ ایک روزہ اور تین ٹی -20بین الاقوامی میچوں کی سیریز کھیلے گی۔دونوں ٹیموں کے درمیان دوسرا ایک روزہ میچ 9مارچ، تیسرا میچ 12مارچ،چوتھا میچ 14مارچ کو کھیلا جائے گا جبکہ پانچواں اور آخری ون ڈے انٹرنیشنل میچ 17مارچ کو کھیلا جائے گا۔
