سڈنی(سپورٹس ڈیسک)سابق آسٹریلوی بلے باز ڈیرن لیمن نے کہا ہے کہ امید ہے ورلڈ چیمپئن آسٹریلیا جلد پاکستان کا دورہ کرے گی۔ آسٹریلیا کے سابق ہیڈ کوچ نے 1988میں اپنے دورہ پاکستان کو یاد کرتے ہوئے کہا کہ آسٹریلوی ٹیم کی 25 سال سے پاکستان کا دورہ نہ کرنے کی کوئی وجہ نظر نہیں آتی۔ آسٹریلوی اخبار سے بات کرتے ہوئے ڈیرن لیمن نے کہا کہ پاکستان بہت اچھی جگہ ہے۔ میں نے اپنے دورہ کے دوران وہاں بہت انجوائے کیا۔ وہاں کے لوگوں کا کرکٹ سے لگائو کسی سے ڈھکا چھپا نہیں ہے۔ انہوں نے کہا کہ پاکستان میں کرکٹ کی بہتری کے لئے اور محفوظ مقام ہونے کی وجہ سے وہاں جانے میں کوئی قباحت نہیں ہے۔