لاہور(نمائندہ سپورٹس) نیشنل ہائی پرفارمنس سنٹرمیں موجود کرکٹرز، کوچز اورسٹاف کے کرونا ٹیسٹ رپورٹس پی سی بی کومل گئیں۔مجموعی طورپر69افراد کے ٹیسٹ کرائے گئے جو تمام منفی ہیں۔حکام نے رپورٹس منفی آنے کے بعد لاہور سے باہر دوسرے شہروں سے تعلق رکھنے والے کرکٹرزکو اپنے گھرجانے کی اجازت دیدی گئی ہے۔ لاہور کے رہائشی کرکٹرز اور سٹاف ممبران پہلے ہی اپنے گھروں میں موجود ہیں۔ قذافی سٹیڈیم میں کام کرنے والے تمام سٹاف کے کرونا ٹیسٹ آج ہونگے،منفی رپورٹس رکھنے والے لوگ کل سے ذمہ داریاں سنبھالیں گے۔