لاہور (نمائندہ سپورٹس ) دورہ جنوبی افریقہ کیلئے قومی ٹیم میں سینئر آل راؤنڈر محمد حفیظ اور سپنر عماد وسیم کی سکواڈ میں واپسی کا قوی امکان ہے۔ پاکستان کے دورہ جنوبی افریقہ کیلئے چیف ایگزیکٹو پاکستان کرکٹ بورڈ وسیم خان نے قومی ٹیم کے کپتان بابر اعظم اور ہیڈکوچ مصباح الحق سے سے الگ الگ ملاقات کی۔ذرائع کا کہنا ہے کہ ملاقات کے دوران وسیم خان نے کپتان بابر اعظم اور ہیڈ کوچ مصباح الحق سے دورہ جنوبی افریقہ کے حوالے سے مشاورت کی۔ذرائع کے مطابق پی سی بی عہدیداران کا ورچوئل اجلاس بھی مکمل ہو گیا جبکہ پروٹیز کے خلاف قومی ٹیم کا اعلان دو روز میں کیا جائے گا جبکہ محمد حفیظ، عماد وسیم کی سکواڈ میں واپسی کا قوی امکان ہے۔پاکستانی کرکٹ ٹیم نے دورہ جنوبی افریقہ کے تین ون ڈے اور چار ٹی ٹونٹی میچز کھیلنے ہیں۔