لاہور(نامہ نگار) الیکشن کمیشن سے سید یوسف رضا گیلانی کی کامیابی کا نوٹفکیشن جاری ہونے کی خوشی میں پیپلز پارٹی مینارٹی ونگ نے جشن منایا۔پیپلز پارٹی مینارٹی ونگ پنجاب کے نائب صدر ایڈون سہوترا نے مریم کالونی کے کارکنوں میں مٹھائی تقسیم کی اور کہا کہ جس طرح سے پی ٹی آئی کا بلا جواز اعتراض الیکشن کمیشن نے مسترد کیا ،ٹھیک اسی طرح سے پی ٹی آئی کو بارہ مارچ میں بھی شکست ہو گی۔12مارچ کو پی ڈی ایم سینٹ میں اپنا چیئرمین اور ڈپٹی چیئرمین منتخب کرلے گی۔پاکستان میں جمہوریت کیلئے جو کام گیلانی خاندان نے کیا وہ بھی ایک تاریخ ہے۔