سینٹ الیکشن میں پی ڈی ایم کا پینل ہی کامیاب ہو گا: عباس چہل‘اشرف چہل
گکھڑمنڈی(نامہ نگار) پاکستان مسلم لیگ ن کے رہنمائوں سابق چیئرمین محمد عباس چہل، حاجی محمد اشرف چہل، ظہیر اشرف چہل(جاپان) نے کہا ہے کہ سینٹ الیکشن میں پی ڈی ایم کا پینل ہی کامیاب ہو گا ۔ پی ڈی ایم کے ممبران کی نمبر گیم زیادہ ہونے کے باوجود حکومت ان کوہرانے کے لیے سرتوڑ کوششیں کررہی ہے اور تمام جمہوری و سیاسی و اخلاقی اقدار کو بالائے طاق رکھتے ہوئے نمبر گیم میںکم ہونے کے باوجود حکومت اپنے امیدواروں کو کامیاب کروانے کے لیے مختلف ہتھکنڈے استعمال کررہی ہے لیکن اب بھی پی ڈی ایم کے یوسف رضا گیلانی اور مولانا عبدالغفور حیدری ہی کامیاب ہوکر چیئرمین، ڈپٹی چیئرمین بنیں گے۔
