لاہور(سپورٹس ڈیسک) افغانستان کے لیگ سپنر راشد خان کا کہنا ہے کہ پاکستان کے سابق کپتان انضمام الحق نے ان کی افغان ٹیم میں سلیکشن کیلئے اہم کردار ادا کیا،22 سالہ راشد خان نے 2015ء میں زمبابوے کے دورے پر انٹرنیشنل کیریئر کا آغاز کیا تھا۔ انضمام الحق جب افغان ٹیم کے کوچ بنے تو ٹیم مینجمنٹ سے پوچھا کہ کوئی لیگ سپن باؤلر نہیں ؟، جس پر میرا نام سامنے آیا ۔پریکٹس سیشن کے دوران انضمام الحق نے خود پیڈ کیے اور بائولنگ کا کہا ، پہلی دو گیندوں پر کٹ شاٹ لگائی تیسری گگلی کی جو ان کے پیڈز پر لگی۔ انضمام الحق نے کہا کہ تم کل کے میچ کی تیاری کرو کھیلو گے۔ انضمام الحق نے انہیں کافی اعتماد دیا ، انضمام الحق سے قبل مجھے صرف ٹی 20 کا باؤلر سمجھا جاتا تھا لیکن انہوں نے مجھے ون ڈے ٹیم میں بھی سلیکٹ کیا۔