لاہور( نمائندہ سپورٹس ) پاکستان ہاکی فیڈریشن نے پی ایچ ایف کیمپ آفس کراچی میں کے ایچ اے سیکرٹری حیدر حسین کو کوآرڈینیٹر تعینات کردیا ہے۔ اس حوالے سے پی ایچ ایف صدر بریگیڈیئر ر خالد سجاد کھوکھر سے کے ایچ اے سیکرٹری حیدر حسین نے ملاقات کی۔اس موقع پر پی ایچ ایف کیمپ آفس کراچی کے ڈائریکٹر ایڈمن ایم جنید بھی موجود تھے۔کے ایچ اے سیکرٹری حیدر حسین جو کے ایچ ایف کونسل ممبر بھی ہیں1996 تا 2002 تک پاکستان سینئر و جونیئر ہاکی ٹیم کی نمائندگی کرچکے ہیں۔سکے علاوہ بحیثیت کے ایچ اے سیکرٹری حیدر حسین نے 2016 سے اب تک لاتعداد کامیاب ایونٹس منعقد کرواکر کراچی میں قومی کھیل کی ترقی و ترویج میں اپنا بھرپور کردار ادا کیا ہے۔ کے ایچ اے کی تزئین و آرائش بھی بھرپور انداز میں کی ہے۔ڈائریکٹر ایڈمن ایم جنید خان کے ہمراہ بحیثیت کوآرڈینیٹر پی ایچ ایف کیمپ آفس کراچی میں فرائض سر انجام دیں گے۔ کے ایچ اے سیکریٹری حیدر حسین کو پی ایچ ایف صدر نے انکی کاوشوں سراہتے ہوئے عبدالستار ایدھی ہاکی سٹیڈیم کو نئی شکل میں تبدیل کرنے کیلئے کوآرڈینیٹر کی ذمہ داری سونپ دی گئی۔