اسلام آباد (نوائے وقت رپورٹ) پاکستان نے سائوتھ ایشین گیمز میں حاصل میڈل نیپال اولمپک ایسوسی ایشن کو واپس بھجوا دیئے۔ ذرائع کے مطابق میڈل پاکستان اولمپک ایسوسی ایشن نے واپس بھجوائے۔ ایتھلیٹس کے 2019ء کے گیمز میں ڈوپ ٹیسٹ مثبت آئے تھے۔ کھٹمنڈو سائوتھ ایشین گیمز میں پاکستان نے 100میٹر‘ 110 میٹر ہرڈلز میں میڈل جیتے تھے۔ پاکستان نے 400میٹر ہرڈلز‘ چارضرب 100 میٹرریلے میں بھی میڈل جیتے تھے۔ ایتھلیٹس سمیع اللہ، محمد نعیم‘ محبوب علی کا ڈوپ ٹیسٹ مثبت آنے پر میڈلز واپس لیے گئے ہیں۔