بلاول بھٹو آج منصورہ میں سراج الحق ملاقات کرینگے
لاہور (نامہ نگار) پاکستان پیپلز پارٹی کے چیئرمین بلاول بھٹو زرداری آج پیر 22 مارچ منصورہ لاہور میں امیر جماعت اسلامی سراج الحق سے ملاقات کریں گے۔ تفصیلات کے مطابق پیپلزپارٹی کے چیئرمین بلاول بھٹو زرداری آج پیر 22 مارچ کراچی سے لاہور پہنچیں گے۔ بلاول بھٹو زرداری نے قمرالزماں کائرہ، چوہدری منظور، حسن مرتضیٰ اور پنجاب کے دیگرعہدیداران کو آج دوپہر دو بجے بلاول ہاؤس لاہور طلب کر لیا ہے۔ پارٹی رہنماؤں سے ملاقات میں ذولفقار علی بھٹو شہید کی برسی کی تقریبات کی تیاریوں اورپنجاب میں عوامی رابطہ مہم کو تیزکرنے پر تبادلہ خیال کیا جائے گا جبکہ چیئرمین پاکستان پیپلز پارٹی بلاول بھٹو زرداری آج پیر22مارچ شام چھ بجے وفد کے ہمراہ منصورہ لاہور میں امیر جماعت اسلامی سراج الحق سے ملاقات کریں گے۔
