لاہور(سپورٹس رپورٹر) قومی کرکٹ ٹیم کے کیمپ میں موجود قومی کھلاڑیوں کی ویکسی نیشن آج ہوگی۔ پی ایس ایل 6 میں پہلی ڈوز لگوانے والے کھلاڑیوں کو دوسری ڈوز آج لگے گی۔جو کھلاڑی کیمپ کا حصہ نہیں انہیں دوسری ڈوز اپنے اپنے شہروں میں دی جائے گی۔جو کھلاڑی پی ایس ایل 6 کا حصہ نہیں تھے انہیں دوسری ڈوز جنوبی افریقہ میں لگے گی۔ان ارکان کو پہلی ڈوز 18 مارچ کو قومی ٹیم کے کیمپ میں لگی تھی۔ دوسری کوویڈ ویکسی نیشن 7 اپریل کو ساوتھ افریقہ میں ہو گی۔