لاہور(سپورٹس رپورٹر) پاکستان کرکٹ ٹیم انٹرا اسکواڈ ون ڈے پریکٹس میچ میں بابر اعظم کی ٹیم گرین نے سرفراز احمد کی ٹیم وائٹ کو دو رنز سے ہرا دیا۔ ٹیم وائٹ کو میچ جیتنے کے 320 رنز کا ریوائز ٹارگٹ ملا۔ٹیم وائٹ 317 رنز بنا آل آؤٹ ہو گئی۔ آصف علی نے 95 عثمان قادر نے 53 عبداللہ شفیق نے 62 رنز بنائے۔حارث رؤف محمد نواز اور شاہین شاہ آفریدی نے تین تین کھلاڑیوں کو آؤٹ کیا۔ٹیم گرین نے آٹھ وکٹوں پر 356 رنز بنائے تھے۔ محمد رضوان 85 گیندوں پر 112 رنز بنانے میں کامیاب رہے۔