بلاول بھٹو کا فضل الرحمان اور ایمل خان سے ٹیلی فونک رابطہ
اسلام آباد (نمائندہ خصوصی) پیپلزپارٹی کے چیئرمین بلاول بھٹو زرداری اور جمعیت علماء اسلام کے سربراہ مولانا فضل الرحمان کے درمیان ٹیلی فونک رابطہ ہوا،چیئرمین بلاول بھٹو زرداری نے مولانا فضل الرحمان سے ان کی صحت سے متعلق خیریت دریافت کی ،چیئرمین بلاول بھٹو زرداری اور مولانا فضل الرحمان کے درمیان مجموعی ملکی صورت حال پر بھی بات چیت ہوئی ۔دوسری جانب بلاول بھٹو زرداری نے عوامی نیشنل پارٹی خیبرپختونخوا کے صدر ایمل ولی خان کو فون کیا ،چیئرمین بلاول بھٹو زرداری نے ایمل ولی خان سے ان کے والد اسفند یار ولی کی صحت سے متعلق خیریت دریافت کی چیئرمین بلاول بھٹو زرداری اور ایمل ولی خان کے درمیان مجموعی ملکی صورت حال پر بھی گفتگو ہوئی۔
