کوئٹہ(اے پی پی) بلوچستان کے شہر تفتان کی شاہراہ پر مسافر کوچ اور کار کے درمیان تصادم کے نتیجے میں 7 افراد جاں بحق اور2 زخمی ہوگئے ہیں۔ نجی ٹی وی چینل کے مطابق جمعرات کی علی الصبح بلوچستان کے ضلع مستونگ میں تفتان شاہراہ پر مسافر کوچ اور کار کے حادثہ میں ایک ہی خاندان کے 7افراد جاں بحق جبکہ 2 افراد زخمی ہوگئے۔پولیس حکام نے کہا کہ حادثہ تیزرفتاری اور ڈرائیور کی غفلت کے باعث پیش آیا۔ریسکیو ٹیم نے لاشوں اور زخمیوں کو شہید نواب غوث بخش رئیسانی ہسپتال منتقل کردیا ہے۔پولیس نے مقدمہ درج کرکے مزید تحقیقات شروع کر دی ہیں۔