گوجرانوالہ (نمائندہ خصوصی)پیپلزپارٹی ضلع گوجرانوالہ ذوالفقار علی بھٹو کی برسی کی مرکزی تقریب میں بھرپور شرکت کرے گی اجلاس میں فیصلہ پیپلزپارٹی ضلع گوجرانوالہ کا ماہانہ اجلاس سماں ہائوس وزیر آباد میں منعقد ہوا اجلاس کی صدارت پیپلزپارٹی پنجاب کے نائب صدر وضلعی انچارج چوہدری اعجاز سماں نے کی جبکہ اجلاس میں جنرل سیکرٹری چوہدری ارشاد اللہ سندھو، نائب صدر رفاقت علی چٹھہ ،ڈپٹی جنرل سیکریٹری مظہر ریاض چیمہ، سیکرٹری اطلاعات ڈاکٹر شیر محمد علی و دیگر نے شرکت کی اجلاس میں فیصلہ کیا گیا کہ 4 اپریل کو قائد عوام شہید ذوالفقار علی بھٹو کی گڑھی خدا بخش نوڈیرو سندھ میں ہونے والی 42 ویں برسی کی مرکزی تقریب میں پیپلزپارٹی گوجرانوالہ کے عہدیداران وکارکنان کی بڑی تعداد شریک ہو گی اور برسی میں شرکت کے لیے گوجرانوالہ سے ایک بڑا قافلہ 3 اپریل کو جرانوالہ سے صبح 9 بجے روانہ ہو گا۔