ہرات میں ٹریفک حادثہ،5 افراد ہلاک، 13 زخمی
ہرات (نیٹ نیوز) افغانستان کے صوبے ہرات میں گزشتہ رات بس ٹرک سے ٹکرا گئی جس میں 5 افراد ہلاک جبکہ 13 زخمی ہوگئے۔ مقامی عہدیداروں نے بتایا کہ ہفتہ کی رات کو ہرات قندھار شاہراہ پر ٹریفک حادثہ پیش آیا۔ محکمہ صحت عامہ کے ترجمان محمد رفیق شیرزئی نے بتایا کہ ہرات کے ضلع ادراسکن میں ایک بس ٹرک سے ٹکرا گئی۔ محکمہ ایمبولینس ہرات کے سربراہ محمد ابراہیم محمدی نے بتایا کہ ہلاک اور زخمی ہونے والے افراد کو ہسپتال منتقل کیا گیا اور تمام متاثرین مرد تھے۔
