فیروزوالہ( نامہ نگار) جی ٹی روڈ پر ریان پورہ ( کالا شاہ کاکو) کے قریب کار کا ٹائر پھٹ جانے سے بے قابو ہوکر موٹر سائیکل سوار وں پر چڑھ گئی جس کے نتیجہ میں ایک نوجوان ہلاک اور اس کا ساتھی زخمی ہو گیا۔ آصف مسیح ساتھی کے ہمراہ موٹر سائیکل پر جا رہا تھا ‘ریان پورہ کے قریب پہنچا تو لاہور سے آنے والی کار کا ٹائر پھٹ گیا جو بے قابو ہو کر ان سے ٹکرا گئی اور الٹ گئی ‘موٹر سائیکل سوار آصف مسیح موقعہ پر ہلاک ساتھی اور کار سوار دو افراد زخمی ہو گئے جن کو ہسپتال داخل کرو ا دیا گیا۔ صدر پولیس نے واقعہ کی رپورٹ درج کر لی۔