لاہور(نامہ نگار)ڈولفن سکواڈ اور پولیس ریسپانس یونٹ کی ہفتہ وار کارکردگی رپورٹ کے مطابق ہیلپ لائن15پر موصو ل 269کالزپر کارروائی عمل میں لائی گئی۔ڈکیتی و چوری کی وارداتوں میں ملوث42 ملزمان کو گرفتار کر کے2 کاریں، 75 موٹر سائیکلیں،7موبائل فونزاورہزاروں روپے نقدی‘25 پسٹلز،27میگزین اورسینکڑوں گولیاں برآمد کی گئیں۔ منشیات کیخلاف کارروائی کے دوران16بوتلیں شراب برآمد کی گئی۔ کمیونٹی پولیسنگ کو فروغ دیتے ہوئے5افراد کی مدد کی گئی۔دوران پٹرولنگ2لاکھ30ہزار612موٹر سائیکلوں،1954 گاڑیوں اور2 لاکھ31ہزارسے زائد اشخاص کی چیکنگ عمل میں لائی گئی جبکہ835موٹر سائیکلوں،11 گاڑیوں اور330اشخاص کوکوائف نامکمل ہونے پر حراست میں لیا گیا۔جعلی نمبرپلیٹس والی2گاڑیوں اور09موٹر سائیکلوں کیخلاف کارروائی عمل میں لاکر مقدمات درج کئے گئے۔ پتنگ بازی میں 18،ون ویلنگ میں 34، آتش بازی میں 2جبکہ ہوائی فائرنگ میں 6ملزمان گرفتار کئے گئے۔دوران پٹرولنگ اشتہاری سمیت 112 عادی وعدالتی مجرمان کو بھی گرفتار کیا۔