ڈولفن سکواڈ کی کارروائی ‘مشکوک گاڑی سے نشہ ‘فلیور برآمد‘3ملزم گرفتار
لاہور(نامہ نگار)ڈولفن سکواڈ نے جوہر ٹاؤن میں مشکوک گاڑی سے بھاری مقدار میں نشہ اور فلیور برآمد کر کے 3ملزمان کو گرفتار کر لیاہے۔ تفصیلات کے مطابق جوہر ٹاؤن کے علاقے میں ڈولفن سکواڈ نے مشکوک گاڑی کو روکنے کا اشارہ کیا۔ جس پر انہوں گاڑی روکنے کی بجائے فرار ہونے کی کوشش کی۔ڈولفن ٹیم نے تعاقب کرتے ہوئے کار کو روک لیا اور 3 ملزمان معاذ الحق،سفیان اور فیضان کوگرفتار کر کے گاڑی سے حقہ اور شیشہ فلیور کی بھاری مقدار برآمدکر لی ہے۔ ملزمان کو پولیس چوکی ایل بلاک کے حوالے کر دیا گیا ہے۔
