نیو پورٹ(سپورٹس ڈیسک)نیل رابرٹسن نے رونی او سلیوان کو شکست دے کر سنوکر ٹور چیمپئن شپ جیت لی۔ ورلڈ سنوکر ٹور کے زیر اہتمام نیو پورٹ، ویلز میں کھیلے گئے ٹورنامنٹ کے فائنل میں عالمی نمبر 3آسٹریلیا کے نیل رابرٹسن نے بیسٹ آف 19 فریمز میں 6 بار کے ورلڈ چیمپئن انگلش سنوکر پلیئر رونی او سلیوان کو 4-10 سے شکست دی اور ٹورنامنٹ اپنے نام کیا۔ واضح رہے کہ 2019میں کھیلے گئے ٹورنامنٹ کے فائنل میں رونی او سلیوان نے نیل رابرٹسن کو 11-13 سے ہرا کر چیمپئن شپ اپنے نام کی تھی۔