فیروزوالا:بے قابو کار موٹر سائیکل سے ٹکرا گئی‘نوجوان جاں بحق،2زخمی
فیروزوالا( نامہ نگار) جی ٹی روڈ پرریان پورہ ( کالا شاہ کاکو) کے قریب تیز رفتار کار بے قابو ہو کر موٹر سائیکل سوار سے ٹکرا گئی بعد میں کار راجباہ میں جا گری۔ جس کے نتیجہ میں ایک نوجوان عامر منظور جاں بحق اور 2 افراد زخمی ہو گئے۔ جن کو طبی امداد کیلئے ہسپتال داخل کرا دیا گیا ۔ بتایا گیا ہے کہ ریان پورہ کے قریب تیز رفتار کار نے آگے جانے والے موٹر سائیکل سوار کو ٹکر مار دی جس کے نتیجہ میں نوجوان عامر منظور موقع پر دم توڑ گیاجبکہ کار سوار اشفاق اور موٹر سائیکل سوار کا ساتھی زخمی ہو گیا۔صدر پولیس نے واقعہ کی رپورٹ درج کر لی۔ لاہور روڈ پر منڈھیالی کے قریب ویگنوں کی ریس کے دوران ایک ویگن کا ٹائر پھٹ جانے سے ویگن بے قابو ہو کر الٹ گئی جس کے نتیجہ میں 7افراد زخمی ہو گئے جنہیں طبی امداد کیلئے ہسپتال داخل کروا دیا گیا۔
