فیصل آباد :مبینہ پولیس مقابلے میں 2ڈاکو ہلاک ، دو زخمی
فیصل آباد(آن لائن)نشاط آباد کے علاقہ موٹروے پل کے قریب پولیس مقابلہ کے دوران مارے جانیوالے دونوں ڈاکو ریکارڈ یافتہ نکلے، پولیس نے فرار ہونیوالے ڈاکوئوں کی تلاش شروع کر دی۔موٹر وے پل کے نیچے شہریوں کو لوٹنے والے چار ڈاکو نے پولیس کو دیکھتے ہی فائرنگ کر دی ، فائرنگ کے تبادلے میں دو ڈاکو 28 سالہ فاروق، 30 سالہ فیصل جاں بحق ہوگئے جبکہ ملزمان کے دو ساتھی فائرنگ کرتے ہوئے فرار ہوگئے۔پولیس کے مطابق مرنے والے دو ڈاکوئوں کیخلاف مختلف تھانوں میں 8مقدمات درج تھے۔پولیس نے پوسٹ مارٹم کے بعد نعشیں ورثا کے حوالے کر دیں۔
