لاہور (سپورٹس ڈیسک)انڈین پریمیئر لیگ کی فرنچائز دہلی کیپٹلز کے آل رائونڈراکشر پٹیل کا کرونا ٹیسٹ مثبت آگیا ہے ۔ ان کا ہوٹل میں 28مارچ کو کرونا ٹیسٹ لیا گیا تھا ۔ انہیں فوری طور پر قرنطینہ میں بھیج دیا گیا ہے ۔ فرنچائز کی میڈیکل ٹیم پٹیل سے رابطے میں ہے ۔ ان سے قبل کولکتہ نائٹ رائیڈرز کے نتیش رانا کا کرونا ٹیسٹ بھی مثبت آچکا ہے ۔ انہوں نے بارہ روزہ قرنطینہ کے بعد ٹیم کے ساتھ پریکٹس بھی شروع کردی ہے ۔ انہوں نے کہا کہ کرونا ٹیسٹ منفی آنے کے بعد ٹیم میں شمولیت اختیار کی ہے ۔ بھارتی کرکٹ بورڈ نے کہا ہے کہ ممبئی میں بڑھتے ہوئے کرونا کیسز کی صورتحال پر نظر رکھے ہوئے ہیں ۔ اگر یہاں کوئی مسئلہ ہوا تو میچز دوسرے شہر منتقل کئے جاسکتے ہیں ۔