لاہور (نوائے وقت رپورٹ) سی ٹی ڈی نے لاہور کے علاقے بند روڈ گلشن راوی پر کارروائی میں دو دہشت گرد گرفتار کر لئے۔ ترجمان کے مطابق دہشت گردوں سے بارودی مواد، دستی بم، اسلحہ و دیگر سامان برآمد کر لیا گیا۔ گرفتار دہشت کیخلاف مقدمہ درج کر کے تفتیش کی جا رہی ہے۔ دہشت گرد تخریبی کارروائی کی منصوبہ بندی کر رہے تھے۔ گرفتار دہشت گرد محب اللہ کے سر کی قیمت 25 لاکھ روپے مقرر تھی اور نام ریڈ بک میں شامل تھا۔