دینہ (نامہ نگار) دینہ کے نواحی علاقہ میں قتل کی لرزہ خیزواردات، نامعلوم مسلح نقاب پوشوں کی فائرنگ سے سنگر جاں بحق جبکہ ساتھی شدید زخمی، ملزمان موقع سے فرار ہوگئے۔ پولیس تھانہ منگلا نے مقدمہ درج کر کے ملزمان کی تلاش شروع کردی ۔ تفصیلات کے مطابق گزشتہ رات دینہ نواحی علاقہ بوڑیاں کے رہائشی معروف سنگر اعجاز مراتب علی اور عدنان محبوب شادی کی تقریب سے رات 2بجے واپس گھر کی طرف آرہے تھے کہ گھر کے قریب ہی دلیال موڑ پر پہنچے تو پہلے ہی تاک میں موجود مسلح نقاب پوششوں نے اندھا دھند فائرنگ شروع کر دی۔ جس سے معروف لوگ سنگر اعجازِ مراتب علی اور اس کا ساتھی عدنان محبوب شدید زخمی ہو گئے۔ جنہیں فوری طور پر ڈسٹرکٹ ہیڈ کوارٹر ہسپتال جہلم ریفر کیا۔ جہاں معروف سنگر اعجاز مراتب کو شدید زخمی حالت میں راولپنڈی ریفر کیا گیا مگروہ زخموں کی تاب نہ لاتے ہوئے راستے میں ہی دم توڑ گئے۔