لاہور(سپورٹس ڈیسک )انٹرنیشنل کرکٹ کونسل کی جانب سے ون ڈے کرکٹ کی رینکنگ جاری کردی گئی ہے۔انٹرنیشنل کرکٹ کونسل کی جانب سے جاری کی گئی ون ڈے رینکنگ کے مطابق اوپننگ بیٹسمین فخر زمان سات درجے ترقی کے بعد بارہویں نمبر پر آگئے ہیں۔ بلے بازوں میں ویرات کوہلی کا پہلا نمبر ہے جبکہ کپتان بابراعظم دوسرے، روہت شرما تیسرے اور راس ٹیلر کا چوتھا نمبر ہے ۔بائولرز کی رینکنگ کے مطابق ٹرینٹ بولٹ پہلے، مجیب الرحمٰن دوسرے اورمیٹ ہینری تیسرے نمبر پر ہیں۔ قومی فاسٹ بائولر محمد عامر دسویں نمبر پر ہیں۔ آل راؤنڈرز رینکنگ کے مطابق آل راؤنڈر شکیب الحسن پہلے، بین سٹوکس دوسرے اور محمد نبی تیسرے نمبر پر ہیں جبکہ ٹاپ ٹین آل راؤنڈرز میں واحد پاکستانی کھلاڑی عماد وسیم شامل ہیں۔