لاہور (وقائع نگارخصوصی) مسلم لیگ (ن) کے صدر شہباز شریف نے کہا ہے کہ پورے پاکستان سے وہی آواز آ رہی ہے جس کا فیصلہ ڈسکہ کے عوام نے دیا۔ ڈسکہ الیکشن میں کامیابی پر شہباز شریف نے جیل سے اپنے پیغام میں کہا کہ ثابت ہوگیا ووٹ چوری سے عوام کو نواز شریف اور (ن) لیگ سے دور نہیں کیا جا سکتا۔ ووٹ کی جنگ لڑنے والوں کا نام جمہوری جدوجہد میں سنہری حروف سے لکھا جائیگا۔ شہباز شریف کا کہنا ہے کہ اللہ تعالی کو منظور ہوا تو لوڈشیڈنگ کی طرح قوم کو غربت سے نجات دلائیں گے۔ شہباز شریف نے ڈسکہ الیکشن میں کامیابی پر اظہار تشکر اور مبارک کا پیغام دیا ہے۔ نواز شریف اور شہباز شریف کو آپ سب پر فخر ہے۔ عوام کی محبت ہی ہماری سب سے بڑی دولت اور کمائی ہے۔