لاہور (این این آئی) مسلم لیگ (ن) پنجاب کے صدر رانا ثناء اللہ نے کہا ہے کہ ڈسکہ میں نواز شریف اور ان کے بیانیے کی فتح پر چپڑاسی اور اس کے باس کی تکلیف سمجھ سکتے ہیں۔ عمران نیازی اور ریلو کٹوں کی چیخیں بتا رہی ہیں کہ انہیں اپنا انجام صاف نظر آنا شروع ہوگیا ہے۔ ووٹ چوری کرنے اور الیکشن عملہ اغوا کرنے والوں کو اب جمہوریت کی یاد آگئی ہے۔ توجہ ووٹ کنٹرول کرنے پر ہو تو مہنگائی کنٹرول نہیں ہو سکتی۔ اپنے بیان میں انہوں نے کہا کہ چپڑاسی اور اس کا باس جس چیز کو منحوس ہاتھ لگاتا ہے، اس کا سوا ستیاناس ہو جاتا ہے۔ عمران نیازی مہنگائی کم کرنا چاہتا ہے تو اس قوم کی جان چھوڑ دے۔ روس کے وزیرخارجہ کے حالیہ دورے کے فوری بعد روس کے صدر کے خلاف ایک وزیر کا سیاسی منفی بیان قابل مذمت اور افسوسناک ہے۔ پہلے انہوں نے چین، سعودی عرب کے خلاف بونگیاں ماریں، اب روس کا رخ کرلیا ہے۔ اللہ تعالی پاکستان پر رحم کرے۔